News Archive

Freides virun der Vakanz war et nees souwäit. Mir sin op Rousport gefuer fir d'Rucksakbibliothéik virzestellen an ze iwwerreechen. E gudd Stéck Kuch an e spannenden Footballsmatch hun de flotten Moien ofgeschloss.

Déi komplett Versioun vun der Schoulzeitung 2014 als PDF.

Fir Kanner aus dem Cycle 1 ass dëst Schouljoer de Päerdsatelier ugelaf. Am zweeten Trimester ware Kanner aus der Schoul am Duerf an aus der Sonneschoul zesummen am Stall. Am drëtten Trimester ass e Grupp vu Kanner aus der Reebouschoul bei de Päerd.

De Moien an aller Fréi, huet den C3 aus der Reebou-Schoul d'Chance gehat zwee Ballonen am Kader vun eisem desjährege Schoulthema "4 Elementer" opzeriichten. Nodeems all d'Kanner emol gestart an och erem ganz gelant waren, ware se dach begeeschtert wat ee mat Feier a Loft alles esou maache kann. Op dësem Wee e grousse Merci un all déi wou de Wecker gestallt haten an dat erméiglecht hunn, virun allem awer de Ballonisten, déi sech Zäit geholl an d'Material gestallt hunn.

Den Elteregrupp vun der Sonneschoul organiséiert all Joer Liesunge fir d'Kanner aus deene verschiddene Cyclen. Dëst Joer sinn ënner anerem de Roland Meyer, de Gast Groeber an den Henri Losch bei eis an d'Schoul komm, fir hir Wierker virzestellen.

Mëttes an der Sonneschoul haten d'Kanner d'Geleeënheet, hir al Bicher ze verkafen. Scho säit 6 Joer organiséieren d'Enseignanten zesumme mam Elteregrupp dësen Nomëtten, fir Bicher déi gelies sinn un déi méi kleng Schüler weiderzeverkafen.

Am Kader vun der Eltereschoul Janusz Korczak war den 3. Februar 2014 e Virtrag an der Reebouschoul mam Thema Gewalt an der Schoul - Kanner ënner Kanner

Am Gemengebuet (S. 26-27) vum Januar 2014 ass e Reportage iwwert de Filmatelier aus der Schoul am Duerf. D'Betty erklärt eis, wat an desem Atelier geschafft gëtt.

Zwou Woch no der Chrëchtvakanz huet de scho bal traditionelle Rendez-Vous an der Sonneschoul stattfonnt. Méi wéi 120 Kanner haten sech ugemellt, fir een Owend rondrem d'Liesen an d'Bicher ze verbréngen. Vum Cycle 1 bis zum Cycle 4 waren d'Kanner gespaant a si vum Sams héchstperséinlech an der Sonneschoul begréisst ginn.